|
Bæjarstjórn Bæjarstjóri Nefndir Stjórnsýslusvið Fjármálasvið Skóla- og fjölskylduskrifstofa Umhverfissvið Hafnarmálasvið Netföng Skjöl Greinar Eyðublöð Almenningssamgöngur Laus störf Gjaldskrár Myndir og kort Vefir Um Ísafjarðarbæ Forsíða |
|
Ísafjarðarbær Stjórnsýsluhúsinu Pósthólf 56 400 Ísafjörður kt. 540596-2639 Sími: 450 8000 Fax: 450 8008 Banki: 156-26-60 |
|
Bæjarráð Ísafjarðarbæjar
Ákvæði bæjarmálasamþykktar um bæjarráð: Bæjarstjórn kýs þrjá bæjarfulltrúa og þrjá til vara í bæjarráð skv. 38. gr. sveitarstjórnarlaga nr. 45/1998. Bæjarráð er kosið árlega. Kjósa skal í bæjarráð á fyrsta eða öðrum fundi nýkjörinnar bæjarstjórnar og síðan árlega í júní ár hvert. Ákvæði 49. gr. samþykktar þessarar gilda um þá flokka eða framboðsaðila sem fulltrúa eiga í bæjarstjórn en ekki fá kjörinn bæjarráðsmann. Auk verkefna sem tilgreind eru í erindisbréfi bæjarráðs fer bæjarráð með verkefni kjaranefndar, starfskjaranefndar og húsnæðisnefndar samkvæmt lögum um húsnæðismál nr. 44/1998. (Samþykkt um stjórn Ísafjarðarbæjar og fundarsköp bæjarstjórnar 5. mars 2001, 62. grein, stafliður a, töluliður 1.) Útdráttur úr erindisbréfi bæjarráðs: Bæjarráð heyrir beint undir bæjarstjórn. Bæjarráð starfar á fjármmála- og stjórnsýslusviði, fer með framkvæmdstjórn bæjarfélagsins ásamt bæjarstjóra. Bæjarráð hefur fjárhagslega yfirumsjón með rekstri allra stofnana á vegum bjarins. Hlutverk bæjarráðs er: að fara með daglega fjármála- og framkvæmdastjórn sveitarfélagsins, ásamt bæjarstjóra ; að hafa umsjón með stjórnsýslu bæjarins ; að gera tillögur til bæjarstjórnar um afgreiðslu þeirra mála sem það fær til meðferðar. Bæjarráð fer þó með fullnaðarafgreislu í þeim málum sem ekki varða verulega fjárhag bæjarins og ekki er ágreiningur um afgreiðslu á innan bæjarráðs og við bæjarstjóra hinsvegar ; að vinna ásamt bæjarstjóra að nauðsynlegum undirbúningi stefnumótunar og markmiðssetningar bæjarstjórnar í samræmi við þá framtíðarsýn, sem hún hefur á hverjum tíma ; að hafa eftirlit með því að samþykkt markmið bæjarstjórnar með starfi fagnefnda nái fram að ganga ; að starfa með bæjarstjóra ; að gera tillögur um úrbætur í allri starfsemi á vegum bæjarins ; að vinna drög að fjáragsáætlun hvers ársog þriggja ára áætlun, fyrir bæjarsjóð og fyrirtæki bæjarsjóðs og stofnanir ; að hafa eftirlit með því að viðkomandi fagnefnd eða stjórn stofnunar skili tillögum til fjárhagsáætlanagerðar vegna stofnana sem undir hana heyra ; að hafa eftirlit með því að einstakir rekstrarliðir í fjárhagsáætlun bæjarsjóðs og fyrirtækja og stofnana hans séu í samræmi við samþykkta fjárhagsáætlun á hverjum tíma ; að ákveða skiptingu og ráðstöfun fjár sem áætlað er til einstakra málaflokka skv. fjárhagsáætlun s.s. gatnagerðar, nýbygginga og vegna óvissra útgjalda. Bæjarráð sér um að ársreikningar bæjarsjóðs og fyrirtækja séu samdir í samræmi við gildandi lög, reglur og reikningsskilavenjur sveitarfélaga á hverjum tíma. Bæjarráð sér um gerð kjarasamninga og starfsmannamál, þar með talið allar starfsmannaráðningar, sem öðrum hefur ekki verið falið að sinna skv. lögum eða sérstakri ákvörðun bæjarstjórnar. (Erindisbréf nefnda, bæjarráð. 22. júlí 1996) |
Ritstjóri - Umsjón Snerpa ehf.