Skýrsla vegna starfa félagsmálanefndar 1998-2002.

1. Inngangur

Félagsmálanefnd Ísafjarðarbæjar starfar samkvæmd lögum um félagsþjónustu sveitarfélaga nr. 40/1991 og barnaverndarlaga nr. 58/1992 með breytingum 1995.

Félagsmálanefnd Ísafjarðarbæjar ákvað á fundi sínum þann 7. maí 2002, að skila af sér skýrslu þar sem kjörtímabili hennar er að ljúka.

Skýrslan gefur upplýsingar um fjölda nefndar- og starfsmanna á tímabilinu, fjölda funda og hvers eðlis þeir voru. Kynntar eru þær reglur sem mótaðar hafa verið og þau verkefni sem nefndin hefur unnið að. Síðan kemur nefndin með ábendingar um hvað hún telur að vinna ætti að á næsta kjörtímabili.

Starfstími núverandi félagsmálanefndar var frá júní 1998 til maí 2002.

2. Fjöldi nefndarmanna á tímabilinu

Tímabil

Aðalfulltrúar

Guðrún Hólmsteinsdóttir B Varaformaður 01.06. 1998 - 03.11. 1998

Svavar Þór Guðmundsson B Varaformaður 03.11. 1998 - 30.05. 2002

Hildur Halldórsdóttir D Formaður 01.06. 1998 – 01.07. 2000

Laufey Jónsdóttir D Nefndarmaður 01.06. 1998 – 30.06. 2000

Formaður 01.07. 2000 – 30.05. 2002

Hörður Högnason D 01.09. 2000 – 30.05. 2002

Védís Geirsdóttir K 01.06. 1998 – 30.05. 2002

Guðjón Brjánsson K 01.06. 1998 – 01.05. 2001

Sigríður Bragadóttir K 01.05. 2001 – 30.05. 2002

Varafulltrúar

Ingibjörg Vignisdóttir B 01.06. 1998 – 30.05. 2002

Helga Sigurgeirsdóttir D 01.06. 1998 – 30.05. 2002

Sigrún Gerða Gísladóttir D 01.06. 1998 – 30.05. 2002

Jónína Ólöf Emilsdóttir K 01.06. 1998 – 01.05. 2001

Soffía M Ingimarsdóttir K 01.06. 1998 – 30.05. 2002

3. Starfsemi

Á starfstíma nefndarinnar var gert ráð fyrir að fundir væru haldnir tvisvar sinnum í mánuði, þ.e. 1. og 3. þriðjudag í hverjum mánuði.

Félagsmálanefndin hélt á tímabilinu 121 fund. Að meðaltali var 31 fundur á ári hverju, eða 2,6 fundir á mánuði.

Fundirnir skiptust niður á eftirfarandi hátt:

Trúnaðarmál 23 fundir

Trúnaðarmál og almenn mál 78 fundir

Almenn mál 20 fundir

4. Eftirfarandi starfsmenn hafa starfað með nefndinni

Jón Arvid Tynes félagsmálastjóri 01.06. 1998 – 30.03. 1999

Kjell Hymer félagsmálastjóri 01.04. 1999 – 30.05. 2000

Júlíus E Halldórsson sálfræðingur 01.04. 1999 – 30.12. 2000

Ingibjörg María Guðmundsdóttir forstöðumaður 01.07. 2000 er ennþá starfandi

Margrét Geirsdóttir ráðgjafi 01.06. 2000 er ennþá starfandi

Bergur Torfason fulltrúi 01.06. 1998 er ennþá starfandi

Snjólaug Birgisdóttir félagsfræðingur 15.05. 2001 er ennþá starfandi

5. Verkefni nefndarinnar sem barnaverndarnefndar

Veitt þjónusta á grundvelli barnaverndarlaga

1999 18 fjölskyldur vegna 32 barna

2000 20 fjölskyldur vegna 24 barna

2001 22 fjölskyldur vegna 30 barna

6. Verkefni nefndarinnar sem félagsmálanefndar

6.1. Umsagnir og álit

Umsögn um umsókn um vínveitingarleyfi

Umsögn um þingsályktunartillögu um afnám einkaréttar ríkisins til smásölu á áfengi. Nefndin mælti með að þingsályktunartillagan yrði ekki samþykkt.

Umsögn var veitt um starfsleyfi til rekstrar sumardvalarstaðar á Núpi á vegum Æskulýðssambands kirknanna á Vestfjörðum.

Nefndin vann umsögn um þingsályktunartillögu um stofnun nýbúamiðstöðvar á Vestfjörðum.

Nefndin vann umsögn um frumvarp til laga um félagsþjónustu sveitarfélaga.

Nefndin vann að umsögn um frumvörp varðandi Greiningarstöð ríkisins og um vinnumarkaðsaðgerðir.

Umsögn var veitt um forvarnar- og félagslegt gildi starfsemi Gamla Apóteksins.

Nefndin ályktaði um hugsanlega lokun Barnahúss, þar sem þeim aðgerðum var mótmælt.

Frumvarp til barnaverndarlaga. Nefndin veitti umsögn sína um frumvarpið.

Umsögn um lagafrumvarp um frjálsa sölu áfengis í matvöruverslunum.

6.2. Samningar við samstarfsaðila

Staðfestur var samningur á milli Heilbrigðisstofnunar og Ísafjarðarbæjar um ráðgjöf og faglegt eftirlit með þjónustudeild Hlífar.

Staðfestur var samstarfssamningur við Svæðisskrifstofu málefna fatlaðra vegna liðveislu.

Samvinna var ákveðin á milli félagsmálasviðs og Svæðisvinnumiðlunar Vestfjarða.

Staðfest var samkomulag milli félagsmálasviðs og Heilbrigðisstofnunar um samnýtingu á sálfræðings.

Staðfestur var samningur við Svæðisskrifstofu málefna fatlaðra um samnýtingu á starfsmanni vegna liðveislumála.

6.3. Vímuvarnir

Skipaður var nefndarmaður í nefnd vegna vinnslu á vímuvarnarstefnu sveitarfélagsins.

Skipað var í starfshóp um málefni unglinga í afbrotum og/eða fíkniefnaneyslu.

6.4. Jafnréttismál

Skipuð var undirnefnd til að fylgja eftir og endurskoða jafnréttisáætlun sveitarfélagsins.

Umsókn um styrk var send til EFÍ vegna jafnréttisáætlunar.

6.5. Kynnisferðir

Nýbygging heilsugæslu og öldrunarþjónustu á Þingeyri, skoðuð.

Kynnt starfsemi á Hlíf og húsakynni skoðuð.

Félagsstarf aldraðra í Brynjubæ á Flateyri skoðuð.

Dagdeild aldraðra í Sunnuhlíð á Suðureyri skoðuð.

Heimsókn í Gamla Apótekið.

6.6. Málefni aldraðra og Þjónustuhópur aldraðra

Fjallað var um allar fundargerðir þjónustuhóps aldraðra.

Fjallað var um endurskipulagningu á starfsemi Hlífar.

Fjallað var almennt um starfsemi Hlífar, starfsmannaráðningar og fleira.

Skipaður var fulltrúi í starfshóp vegna úttektar á starfsemi og starfsmannamálum Hlífar.

Gefinn var út upplýsingabæklingur um þjónustu í aldraða í Ísafjarðarbæ.

6.7. Fjárhagsaðstoð

Fjallað var um skattalega meðferð fjárhagsaðstoðar ársins 1997.

Farið yfir útgjöld vegna fjárhagsaðstoðar tvisvar sinnum á ári.

6.8. Dagvistarmál

Gæsluvöllur við Túngötu. Nefndin ályktaði um áframhaldandi starfsemi hans með þátttöku dagmæðra.

Alls veitti nefndin 10 dagmæðrum leyfi til að taka börn í vistun.

Tillaga var gerð um niðurgreiðslu dagvistargjalda á leikskólum.

Tillaga var gerð um niðurgreiðsla dagvistargjalda hjá dagmæðrum.

6.9. Barnavernd

Auglýsing var birt um útivistartíma barna.

Ákveðið var að lögregluskýrslur yrðu ekki framar kynntar fyrir nefndinni en málefni viðkomandi barna fengju meðferð hjá starfsmönnum félagsmálasviðs.

Aldurstakmark á leiksýningu LL. Starfsmaður og nefndarmaður skoðuðu æfingu á leikritinu og komu með tillögu um aldurstakmark á sýninguna.

Aldurstakmörk á kvikmyndum á myndbandaleigum. Bréf var sent til myndbandaleiga í bæjarfélaginu.

Auglýsing var birt þar sem fram komu tilmæli til foreldra um að fylgjast með myndbandanotkun barna.

6.10. Skipulagsmál

Ítrekun var send til bæjaryfirvalda um aukningu starfsmanna á félagsþjónustusviði.

Unnið var að skipulagningu á starfsemi Skóla og fjölskylduskrifstofu Ísafjarðarbæjar.

Fjallað var um ráðningu í starf félagsmálastjóra Ísafjarðarbæjar í tengslum við nýtt skipulag Skóla- og fjölskylduskrifstofu.

Fjallað var um umsóknir er bárust um starf forstöðumanns Skóla og fjölskylduskrifstofu.

6.11. Annað

Minnispunktar vegna vestfirskrar byggðaáætlunar fyrir árin 2002-2005, unnið að beiðni bæjarstjórnar.

Fjölskyldustefna sveitarfélaga kom til umræðu í nefndinni, sem hefur verið falin yfirumsjón með mótun hennar.

7. Vinnureglur og starfsreglur sem nefndin hefur unnið að

Skipan félagsmála í Ísafjarðarbæ Samþykkt 21.11. 2000

Verklagsreglur fyrir starfsmenn í barnavernd Samþykkt 21.11. 2000

Reglur fyrir starfsmenn og þjónustuþega í heimaþj. Samþykkt 04.09. 2001

Reglur um félagslega heimaþjónustu Samþykkt 21.11. 2000

Reglur um veitingu fjárhagsaðstoðar Samþykkt 20.03. 2001

Reglur um liðveislu við fatlaða Samþykkt 08.10. 2001

8. Nefndin beitti sér fyrir eftirfarandi námskeiðum

Námskeið á vegum Barnaverndarstofu um barnavernd haldið í Bolungarvík 14.okt. 1998.

Námskeið á vegum Barnaverndarstofu um barnavernd haldið á Ísafirði 23. apríl 2001.

Kynningarfundur um vímuvarnir sem haldinn var á Ísafirði fyrir alla sem vinna með börnum og unglingum. Fundurinn var skipulagður í samvinnu við VáVest.

Ráðgjafarstofa um fjármál heimilanna. Starfsmaður frá ráðgjafarstofunni var með viðtöl við einstaklinga ásamt því að halda kynningarfund fyrir almenning þann 16. maí 2001.

9. Nefndin hélt eftirfarandi kynningarfundi í tengslum við barnaverndarstarf sitt

Kynningarfundir á leikskólum voru haldnir á Sólborg, Eyrarskjól, Bakkaskjól, Tjarnarbæ á Suðureyri og Grænagarði á Flateyri. Starfsmenn ásamt einum nefndarmanni kynntu barnaverndarstörf.

Eftir er að halda kynningarfund á leikskólanum Laufási, Þingeyri auk annarra stofnana bæjarins.

10. Ráðstefnur og fundir sem sóttir hafa verið í nafni nefndarinnar

Málþing um fjárhagsaðstoð. Einn nefndarmaður sótti málþingið.

Námskeið um stjórnsýslu sveitarfélaga fyrir nefndarfólk á vegum bæjarfélagsins. Fjórir nefndarmenn sóttu námskeiðið.

Málþing um samstarf félagsþjónustu sveitarfélaga og heilsugæslu. Þrír starfsmenn og einn nefndarmaður sóttu málþingið.

11. Hvað er framundan næsta kjörtímabil ?

Félagsmálanefnd mælir með því við næstu nefnd að unnið verði að eftirfarandi málum:

11.1. Fjölskyldustefna

Félagsmálanefnd hefur verið falin yfirumsjón með gerð fjölskyldustefnu Ísafjarðarbæjar og þarf að skipa verkefnastjóra og verkefnastjórn til að vinna að málinu.

11.2. Starfsreglur

Móta þarf fleiri starfsreglur er varða:

Ættingjaaðstoð.

Þátttaka í lögfræðikostnaði samkvæmt nýjum barnaverndarlögum.

Endurskoða þarf þær starfsreglur sem nú þegar eru í gildi.

11.3. Jafnréttisáætlun

Fylgja þarf eftir starfi undirnefndarinnar sem skipuð var til að fara yfir jafnréttisáætlun sveitarfélagsins.

Koma þarf á skipulagðri kynningu og eftirfylgd með þeirri áætlun.

Haldið verði námskeið um jafnréttismál fyrir nefndarfólk og starfsmenn bæjarfélagsins.

11.4. Málefni aldraðra

Félagsmálanefnd beinir því til Þjónustuhóps aldraðra að unnið verði að eftirfarandi málefnum:

Þjónustuhópurinn þarf að vinna að stefnumótun í málefnum aldraðra í sveitarfélaginu í fullri samvinnu við félag aldraðra og félagsmálanefndi í Súðavík og í Ísafjarðarbæ.

Koma þarf á skipulegu samstarfi við Rauða krossinn varðandi skipulag á heimaþjónustu við aldraða.

Koma þarf á öfluguri fræðslu fyrir aldraða í samvinnu við Fræðslumiðstöð Vestfjarða.

11.5. Málefni útlendinga

Félagsmálanefndin á að beita sér fyrir nánu samstarfi við Fjölmenningarhús m.t.t. meiri þátttöku í þjónustu við útlendinga.

Koma þarf á skilvirku upplýsingastreymi um rétt útlendinga til almennrar félagsþjónustu og vinna þarf í samstarfi við Fjölmenningarhús að almennri kynningu á markmiðum félagsþjónustunnar og markmiðum barnaverndar.

11.6. Málefni fatlaðra

Félagsmálanefndin á að beita sér fyrir því að samstarf við Svæðisskrifstofu verði endurskoðað m.t.t. þjónustustigs og verkaskiptingar.

Félagsmálanefndin á að beita sér fyrir umræðu um að sveitarfélagið taki að sér málaflokk fatlaðra skv. þjónustusamningi við félagsmálaráðuneytið.

11.7. Málefni geðfatlaðra

Félagsmálanefndin á að beita sér fyrir því að komið verði á fót dagþjónustu fyrir geðfatlaða í bæjarfélaginu sbr. Vin í Reykjavík. Skal það unnið í samstarfi við Svæðisskrifstofu málefna fatlaðra, Rauða krossinn og Heilbrigðisstofnun Ísafjarðarbæjar.

11.8. Vímuvarnir

Félagsmálanefnd á í samvinnu við VáVest að vinna að kynningu á vímuvarnaráætlun sveitarfélagsins og einnig að eftirfylgd hennar.

11.9. Frumkvæði

Félagsmálanefndin á að hafa meira frumkvæði að málum er tengjast málefnum barna og unglinga m.a. að hafa aukið eftirlit með skilyrðum aldurstakmörkunar t.d. í kvikmyndahús, á myndbandaleigur o.fl. eins og lög kveða á um hverju sinni.

11.10. Kynningarfundir

Félagsmálanefnd á að beita sér fyrir aukinni kynningu á hlutverki nefndarinnar og koma á markvissu samstarfi við þær þjónustustofnanir sem veita börnum og unglingum þjónustu.

Félagsmálanefnd á að beita sér fyrir aukinni fræðslu til almennings með því að skipuleggja kynningarfundi um afmörkuð málefni.

11.11. Aukin verkefni í félagsþjónustunni

Félagsmálanefndin á að beita sér fyrir því að ná til sveitarfélagsins fleiri verkefnum er tengjast félagsþjónustunni sbr. minnispunkta frá nefndinni í vestfirsku byggðaáætlunina. Vinna þarf að því að fá hingað verkefni frá m.a. Barnaverndarstofu og SÁÁ

12. Starfsemi Skóla- og fjölskylduskrifstofu

Nú þegar er komin tveggja ára reynsla á starfsemi skrifstofunnar. Starfsemin hefur tekist mjög vel hvað varðar störf félagsþjónustunnar. Fjórir starfsmenn starfa að verkefnum fyrir nefndina að forstöðumanni meðtöldum. Félagsmálanefndin telur að byggja eigi þessa starfsemi upp enn betur með því að ráða fleiri sérfræðinga til verkefna. Þörf er á að ráða sálfræðing í fullt starf og einnig er brýn þörf á að fá geðlækni til starfa að ákveðnum verkefnum fyrir nefndina. Koma þarf á samstarfi við Heilbrigðisstofnun Ísafjarðarbæjar um ráðningu ofangreindra starfsmanna.

13. Almennt

Félagsmálanefnd hefur verið mjög athafnasöm á kjörtímabilinu. Hún vann við mjög óviðunandi aðstæður fyrstu tvö ár tímabilsins þar sem starfsmannafjöldi var alls ekki nægur til að hægt væri að sinna þeim verkefnum sem henni ber skv. lögum. Á fyrstu tveimur árunum var mjög algengt að nefndarmenn væru sjálfir að vinna verkefni á sviði barnaverndar án þess að hafa til þess næga þekkingu eða reynslu.

Með tilkomu Skóla- og fjölskylduskrifstofu varð gjörbreyting á starfi nefndarinnar. Fjórir starfsmenn hafa unnið að málefnum félagsmálanefndarinnar og öll vinnubrögð er varða einstaklingsmál eru að mati nefndarinnar vel unnin og skv. lögum og reglugerðum.

Starf nefndarinnar síðustu tvö árin hafa farið í það m.a. að móta ýmsar verklagsreglur fyrir starfsemina ásamt því að vinna mjög markvisst að málefnum einstaklinga.

Nefndarmenn eru sammála um það að á næsta kjörtímabili þurfi félagsmálanefnd að einbeita sér að því að kynna störf sín þeim aðilum sem veita börnum og unglingum þjónustu ásamt því að beita sér fyrir aukinni fræðslu til almennings og einnig til barna og unglinga.

Nefndin vill setja málefni er tengjast þjónustu við aldraða í forgang á næsta tímabili ásamt því að vinna að fjölskyldustefnu fyrir bæjarfélagið.

Félagsmálanefnd Ísafjarðarbæjar þakkar starfsmönnum á Skóla- og fjölskylduskrifstofu fyrir mjög gott samstarf undanfarin tvö ár. Einnig þakkar nefndin bæjarstjórn Ísafjarðarbæjar og öðrum starfsmönnum bæjarfélagsins ásamt öðrum þeim er unnu með henni, fyrir samstarfið.

Ísafirði 7. maí 2002

Laufey Jónsdóttir formaður

Svavar Þór Guðmundsson varaformaður Védís Geirsdóttir

Hörður Högnason Sigríður Bragadóttir