|
Íþrótta- og tómstundanefnd Ísafjarðarbæjar
Fundargerðir
| Bryndís Birgisdóttir, formaður |
D |
Hjallabyggð 7, Suðureyri |
456 6165 |
|
| Torfi Jóhannsson |
D |
Urðarvegi 68, Ísafirði |
456 8475 |
|
| Guðríður Sigurðardóttir, varaf. |
B |
Brautarholti 11, Ísafirði |
456 3035 |
|
| Sturla Páll Sturluson |
S |
Urðarvegi 53, Ísafirði |
456 4216 |
|
| Jóna Benediktsdóttir |
S |
Fjarðarstræti 39, Ísafirði |
456 3052 |
|
| Varamenn: |
|
|
|
|
| Hildur Halldórsdóttir |
D |
Brimnesvegi 10, Flateyri |
456 7836 |
|
| Jón Hálfdán Pétursson |
D |
|
|
|
| Sigríður Magnúsdóttir |
B |
Kirkjubóli, Önundarfirði |
456 7655 |
|
| Sigmundur Þórðarson |
S |
Aðalstræti 53, Þingeyri |
456 8280 |
|
| Þorsteinn Þráinsson |
S |
|
|
|
Íþrótta- og æskulýðsfulltrúi er Björn Helgason. Netfang: bjorn@isafjordur.is
ERINDISBRÉF NEFNDA
Íþrótta- og tómstundanefnd
Stjórnskipuleg staða
Nefndin heyrir beint undir bæjarstjórn. Íþrótta-og
æskulýðsfulltrúi starfar með nefndinni.
Nefndin starfar á skóla- og fjölskyldusviði, sem er undir stjórn
forstöðumanns Skóla- og fjölskylduskrifstofu.
Eftirfarandi stofnanir og deildir starfa á verksviði nefndarinnar:
Íþróttamiðstöðvar, íþróttavellir, skíðasvæði, vinnuskóli og
félagsmiðstöðvar.
Skipan nefndarinnar
Bæjarstjórn kýs fimm fulltrúa og
jafnmarga til vara í íþrótta- og tómstundanefnd. Nefndin er kosin á fyrsta eða
öðrum fundi nýkjörinnar bæjarstjórnar og er kjörtímabil hennar hið sama og
bæjarstjórnar skv. ákvæðum sveitarstjórnarlaga og samþykktar um stjórn og
fundarsköp Ísafjarðarbæjar.
Auk kjörinna fulltrúa eiga bæjarstjóri, yfirmaður Skóla- og
fjölskylduskrifstofu, fulltrúi HSV, félagsmiðstöðva og íþrótta- og
æskulýðsfulltrúi rétt á að sitja fundi nefndarinnar, með málfrelsi og
tillögurétti. Þá er heimilt að kalla til á fundi nefndarinnar sérhvern þann er
tengist málum sem fjallað er um hverju sinni. Starfsmönnum stofnana bæjarins er skylt
að sitja fundi íþrótta- og tómstundanefndar sé þess óskað.
Bæjarstjórn kýs nefndinni formann og varaformann, en nefndin kýs sér ritara á
fyrsta fundi sínum.
Hlutverk
Hlutverk nefndarinnar er:
- að vera bæjarstjórn til ráðgjafar í íþrótta- og
æskulýðsmálum;
- að gera tillögur til bæjarstjórnar um stefnu og markmið í
íþrótta-og æskulýðsstarfi á vegum sveitarfélagsins;
- að hafa eftirlit með því að samþykkt markmið bæjarstjórnar
í íþrótta- og æskulýðsmálum nái fram að ganga;
- að vera samráðsaðili sviðsstjóra Skóla- og fjölskyldusviðs
um ráðningu starfsmanna;
- að starfa með íþrótta-og æskulýðsfulltrúa og gera tillögur
um úrbætur í íþrótta- og æskulýðsstarfi og aðbúnaði íþrótta- og
æskulýðsstarfs eftir atvikum.
- að samþætta og skipuleggja þá starfsemi sem fellur undir
íþrótta-, og tómstundamál barna, ungmenna og almennings.
Íþrótta- og tómstundanefnd hefur daglega umsjón
með þeim stofnunum sem undir nefndina heyra og gerir tillögur til bæjarstjórnar um
fjárhagsáætlun vegna þessara stofnana og í íþrótta- og æskulýðsmálum almennt.
Nefndin skal hafa eftirlit með því að stofnanir og deildir starfi innan ramma laga og
samþykktar fjárhagsáætlunar á hverjum tíma.
Meginhlutverk íþrótta- og tómstundanefndar er stefnumótun, en í minna
mæli afgreiðsla einstakra mála. Nefndin setur forstöðumönnum og starfsmönnum
þeirra stofnana sem undir nefndina heyra, starfsreglur um afgreiðslu samsvarandi mála.
Starfshættir
Um starfshætti nefnda er sérstaklega getið í
III. og V. kafla samþykktar um stjórn og fundarsköp Ísafjarðarbæjar og skal
þeim fylgt eftir því sem við á.
Íþrótta- og tómstundanefnd kemur saman fyrir luktum dyrum á fastákveðnum
fundartíma að minnsta kosti tvisvar í mánuði. Skal nefndin gera samþykkt um
þennan fundartíma á sínum fyrsta fundi að höfðu samráði við bæjarstjóra.
Nefndin skal halda gerðabók. Kjörinn eða ráðinn ritari færir
fundargerð. Í fundargerð skal getið hvar og hvenær fundur er haldinn,
töluröð fundar og hverjir sitji hann. Skrá skal einstök mál sem tekin eru
fyrir, dagsetningu þeirra, aðila máls og meginefni og hvernig mál er afgreitt. Sé
mál ekki afgreitt samhljóða skal greina í fundargerð hvernig atkvæði hafa skipst.
Í lok fundar skal fundargerð lesin upp og undirrituð af fundarmönnum. Einnig
skal formaður nefndar og einn nefndarmanna setja upphafsstafi sína undir hverja
blaðsíðu fundargerða, sem blaðsíðusettar skulu í áframhaldandi töluröð.
Heimilt er að skrá fundargerðir í tölvu. Sé það gert skal bóka í
gerðabók íþrótta- og tómstundanefndar númer fundar, hvar og hvenær
fundurinn er haldinn og að fundargerð sé færð í tölvu. Þá skal færa í
gerðabók fundarslit og greina blaðsíðutal fundargerða. Nefndarmenn skulu rita
nöfn sín við slit fundar í gerðabók. Fundarmenn fá afrit af fundargerð
nefndarinnar í lok fundar.
Formaður sér um boðun funda í samráði við bæjarritara. Fundarboðun skal
vera skrifleg og tilgreina fundarstað, tíma og dagskrá. Fundarboð skal sent
fulltrúum og öðrum sem seturétt hafa á fundum eigi síðar en einum sólarhring fyrir
fund.
Formaður stýrir fundum nefndarinnar skv. ákvæðum III. og V. kafla samþykkta um
stjórn og fundarsköp Ísafjarðarbæjar.
Fundur telst ályktunarhæfur ef meirihluti nefndarinnar er mættur á fundi.
Í atkvæðagreiðslu ræður afl atkvæða. Mál telst fallið í atkvæðagreiðslu ef
atkvæði falla að jöfnu.
Eftirfylgni
Íþrótta- og tómstundanefnd og íþrótta- og
æskulýðsfulltrúi hafa með höndum framkvæmd þeirrar stefnu sem mótuð hefur verið
á hverjum tíma varðandi verkefni nefndarinnar.
Formaður og aðrir fulltrúar í íþrótta- og tómstundanefnd skulu snúa sér
til bæjarstjóra til að fylgja eftir þeim ákvörðunum og samþykktum
nefndarinnar.
Réttindi og skyldur fulltrúa
Um réttindi og skyldur fulltrúa í íþrótta- og
tómstundanefnd gilda ákvæði sveitarstjórnarlaga og samþykktar um stjórn
og fundarsköp Ísafjarðarbæjar, eftir atvikum.
Fulltrúa er skylt að sækja fundi nema lögmæt forföll hamli. Skal hann
boða staðgengil sinn og láta formann nefndarinnar vita um forföll með góðum
fyrirvara.
Hver fulltrúi á rétt á að koma máli á dagskrá fundar, enda skilar
hann efni þess til formanns a.m.k. tveimur sólarhringum fyrir fund.
Fundarmenn skulu hafa hag bæjarins að leiðarljósi við störf sín í
nefndinni en eru ekki bundnir af öðru en sannfæringu sinni, lögum og samþykktum um
stjórn og fundarsköp Ísafjarðarbæjar í atkvæðagreiðslu um málefni á vegum
nefndarinnar.
Fundarmenn eru bundnir þagnarskyldu vegna mála, sem þeir fá vitneskju um
í starfi sínu fyrir nefndina og ætla má að leynt eigi að fara skv. eðli máls,
lögum eða samþykkt 2/3 fulltrúa, hvort sem þau varða einka- eða almannahagsmuni.
Fulltrúi skal víkja af fundi við umræður og afgreiðslu mála sem varða
hann sjálfan, skyldmenni hans eða nánustu venslamenn svo mjög að ætla má að
það móti viljaafstöðu hans að einhverju leyti. Honum er þó heimilt að gera
stuttlega grein fyrir afstöðu sinni áður en hann víkur af fundi.
Starfsmannamál
Nefndin skal fjalla um umsóknir og gefa rökstudda
umsögn til bæjarstjórnar vegna ráðningar starfsmanna í samræmi við ákvæði 66.
gr. bæjarmálasamþykktar.
Lög og reglugerðir
Í störfum sínum skal íþrótta- og tómstundanefnd taka mið af
þeim lögum og reglugerðum sem snerta starfssvið hennar.
Þá skal nefndin fylgja samþykkt um stjórn og fundarsköp Ísafjarðarbæjar
eins og hún er hverju sinni og kynna sér ákvæði sveitarstjórnarlaga.
Samþykkt í bæjarstjórn Ísafjarðarbæjar5.
september 2002.
|
