|
Bæjarstjórn Bæjarstjóri Nefndir Stjórnsýslusvið Fjármálasvið Skóla- og fjölskylduskrifstofa Umhverfissvið Hafnarmálasvið Netföng Skjöl Greinar Eyðublöð Almenningssamgöngur Laus störf Gjaldskrár Myndir og kort Vefir Um Ísafjarðarbæ Forsíða |
|
Ísafjarðarbær Stjórnsýsluhúsinu Pósthólf 56 400 Ísafjörður kt. 540596-2639 Sími: 450 8000 Fax: 450 8008 Banki: 156-26-60 |
|
Staðardagskrá 21
ERINDISBRÉF NEFNDA StaðardagskrárnefndStjórnskipuleg staða Nefndin heyrir beint undir bæjarstjórn. Atvinnu- og staðardagskrárfulltrúi starfar með nefndinni. Nefndin starfar á stjórnsýslusviði, sem er undir stjórn bæjarritara. Skipan nefndarinnar Bæjarstjórn kýs fimm fulltrúa og jafnmarga til vara í staðardagskrárnefnd. Nefndin er kosin á fyrsta eða öðrum fundi nýkjörinnar bæjarstjórnar og er kjörtímabil hennar hið sama og bæjarstjórnar skv. ákvæðum sveitarstjórnarlaga og samþykktar um stjórn og fundarsköp Ísafjarðarbæjar. Auk kjörinna fulltrúa eiga bæjarstjóri, bæjarritari og atvinnu- og staðardagskrárfulltrúi rétt á að sitja fundi nefndarinnar með málfrelsi og tillögurétti. Þá er heimilt að kalla til á fundi nefndarinnar sérhvern þann er tengist málum sem fjallað er um hverju sinni. Starfsmönnum stofnana bæjarins er skylt að sitja fundi staðardagskrárnefndar sé þess óskað. Bæjarstjórn kýs nefndinni formann og varaformann, en nefndin kýs sér ritara á fyrsta fundi sínum. Hlutverk Meginhlutverk staðardagskrárnefndar er stefnumótun í anda sjálfbærrar þróunar, en í minna mæli afgreiðsla einstakra mála. Nefndin setur starfsmönnum sem með nefndinni starfa, starfsreglur um afgreiðslu mála. Hlutverk nefndarinnar er:
Starfshættir Um starfshætti nefnda er sérstaklega getið í III. og V. kafla samþykktar um stjórn og fundarsköp Ísafjarðarbæjar og skal þeim fylgt eftir því sem við á. Staðardagskrárnefnd kemur saman fyrir luktum dyrum á fastákveðnum fundartíma að minnsta kosti einu sinni í mánuði. Skal nefndin gera samþykkt um þennan fundartíma á sínum fyrsta fundi að höfðu samráði við bæjarstjóra. Nefndin skal halda gerðabók. Kjörinn eða ráðinn ritari færir fundargerð. Í fundargerð skal getið hvar og hvenær fundur er haldinn, töluröð fundar og hverjir sitji hann. Skrá skal einstök mál sem tekin eru fyrir, dagsetningu þeirra, aðila máls og meginefni og hvernig mál er afgreitt. Sé mál ekki afgreitt samhljóða skal greina í fundargerð hvernig atkvæði hafa skipst. Í lok fundar skal fundargerð lesin upp og undirrituð af fundarmönnum. Einnig skal formaður nefndar og einn nefndarmanna setja upphafsstafi sína undir hverja blaðsíðu fundargerða, sem blaðsíðusettar skulu í áframhaldandi töluröð. Heimilt er að skrá fundargerðir í tölvu. Sé það gert skal bóka í gerðabók staðardagskrárnefndar númer fundar, hvar og hvenær fundurinn er haldinn og að fundargerð sé færð í tölvu. Þá skal færa í gerðabók fundarslit og greina blaðsíðutal fundargerða. Nefndarmenn skulu rita nöfn sín við slit fundar í gerðabók. Fundarmenn fá afrit af fundargerð nefndarinnar í lok fundar. Formaður og/eða atvinnu- og staðardagskrárfulltrúi sér um boðun funda í samráði við bæjarritara. Fundarboðun skal vera skrifleg og tilgreina fundarstað, tíma og dagskrá. Fundarboð skal sent fulltrúum og öðrum sem seturétt hafa á fundum eigi síðar en einum sólarhring fyrir fund. Formaður stýrir fundum nefndarinnar skv. ákvæðum III. og V. kafla samþykkta um stjórn og fundarsköp Ísafjarðarbæjar. Fundur telst ályktunarhæfur ef meirihluti nefndarinnar er mættur á fundi. Í atkvæðagreiðslu ræður afl atkvæða. Mál telst fallið í atkvæðagreiðslu ef atkvæði falla að jöfnu. Eftirfylgni Staðardagskrárnefnd og atvinnu- og staðardagskrárfulltrúi hafa með höndum framkvæmd þeirrar stefnu sem mótuð hefur verið á hverjum tíma varðandi verkefni nefndarinnar. Formaður og aðrir fulltrúar í staðardagskrárnefnd skulu snúa sér til bæjarstjóra til að fylgja eftir ákvörðunum og samþykktum nefndarinnar. Réttindi og skyldur fulltrúa Um réttindi og skyldur fulltrúa í staðardagskrárnefnd gilda ákvæði sveitarstjórnarlaga og samþykktar um stjórn og fundarsköp Ísafjarðarbæjar, eftir atvikum. Fulltrúa er skylt að sækja fundi nema lögmæt forföll hamli. Skal hann boða staðgengil sinn og láta formann nefndarinnar vita um forföll með góðum fyrirvara. Hver fulltrúi á rétt á að koma máli á dagskrá fundar, enda skilar hann efni þess til formanns eða starfsmanns nefndarinnar a.m.k. tveimur sólarhringum fyrir fund. Fundarmenn skulu hafa hag bæjarins og hugmyndafræði sjálfbærrar þróunar að leiðarljósi við störf sín í nefndinni en eru ekki bundnir af öðru en sannfæringu sinni, lögum og samþykktum um stjórn og fundarsköp Ísafjarðarbæjar í atkvæðagreiðslu um málefni á vegum nefndarinnar. Fundarmenn eru bundnir þagnarskyldu vegna mála, sem þeir fá vitneskju um í starfi sínu fyrir nefndina og ætla má að leynt eigi að fara skv. eðli máls, lögum eða samþykkt 2/3 fulltrúa, hvort sem þau varða einka- eða almannahagsmuni. Fulltrúi skal víkja af fundi við umræður og afgreiðslu mála sem varða hann sjálfan, skyldmenni hans eða nánustu venslamenn svo mjög að ætla má að það móti viljaafstöðu hans að einhverju leyti. Honum er þó heimilt að gera stuttlega grein fyrir afstöðu sinni áður en hann víkur af fundi. Lög og reglugerðir Í störfum sínum skal staðardagskrárnefnd taka mið af þeim lögum og reglugerðum sem snerta starfssvið hennar. Þá skal nefndin fylgja samþykkt um stjórn og fundarsköp Ísafjarðarbæjar eins og hún er hverju sinni og kynna sér ákvæði sveitarstjórnarlaga. Samþykkt í bæjarstjórn Ísafjarðarbæjar 23/01/2003 |
Ritstjóri - Umsjón Snerpa ehf.